مساء الخير جميعا
حابه اقدم طبخة مشهورة بالاردن والكل بحبها بس ما بعرفوا يطبخوها
( المنسف الاردني )
اليوم وصفتنا للمنسف الاردني وكلكم معزومين عليه، اعرف انه كتير من اهل الخليج ما بيعرف المنسف الاردني لكن انا شفت شيء عندكم يقدم بالمناسبات ترتيبه متل المنسف عنا... على كل حال المنسف الاردني يتكون من
: (الكمية تكفي لعشرة اشخاص )
1- لحم خروف صغير او جدي مقطعة خصوصي للمنسف (كبيرة الحجم) 4_5 كيلو
2- جميد (لبن محضر بطريقة خاصة، ومجفف على شكل كرات كبيرة وهو خصوصي للمنسف) واجود انواع الجميد الكركي..حبتين كل حبة بحجم حبة الرمان (اذا عملتوا باللبن العادي اصبح منسف بس مش اصل اردني ههههههههههه
3-رز مصري نخب اول او نوع التايغر او هارفست لكن يفضل التايغر 2 كيلو
4- سمنة لطبخ الرز، ملح، كركم، لوز وصنوبر للتزيين
5- خبز عربي مرقوق من القمح الكامل(شراك)
6- . يقدم معه فلفل حلو وبصل اخضر وفجل
اتبعوا طريقتي لانها الطريقة الاصلية
تحضير اللبن
نكسر اللبن الى قطع صغيرة جدا ونضعه في صحن عميق ونغسلة مرتين حتى نتخلص من الملح، ثم ننقعة بماء ساخن لمدة نصف الى ساعة (حيث يكون اللبن جامد جدا ونقعه يساعد وضعه في الخلاط الكهربائي) بعد النقع نضعه على مراحل مع الماء الدافيء في الخلاط الكهربائي ونتركه ليذوب ويتكون لدينا لبن ناصع البياض....قديما تتم العملية (مرس) اللبن باليد وذلك بفركه بين الكفين لنحصل على صافي اللبن... عندما تنتهي من كل الكمية يصبح لديك لبن مركز يمكن اضافة الماء قبل الطبخ حتى لا يفصل اللبن والماء في حال اضفت الماء بارد خلال الطبخ.. يمكن اضافة الماء المغلي في حال وجدتي بأن اللبن كثيف وثقيل.
تحضير اللحمة
يجب غسل اللحمة جيدا بالماء وتنظيفها من الدهون ووضعها تتصفى جيدا من الدم وعندما تجدوها قد تصفت كوني محضرة ماء مغلي وثم وضعها فيه حتى نقطع الدم...
تحضير الارز
يمكنك تحضير الارز في نفس الوقت اللي بتحضري فيه اللبن المطبوخ
ننقع الكميه في ماء ساخن لمدة ساعة او اكثر حسب الرغبة ويمكن وضع ملعقة كبيرة من الملح وملعقة صغير كركم على النقع .. وثم حضري ;ماء (لكمية 2 كيلو) 9 كاسات ماء مقابل 8 كاسات ارز.... عليه الملح 3 ملاعق كبيرة وملعقة ضغيرة كركم لتغلي .. اغسلي الارز جيدا اكتر من دور وصفيه.. وفي طنجرة الطبخ نضع كمية من السمنة (احنا نضع معها سمنه بلدية نحضرها بالبيت) ونقلي الارز المغسول فيه حتى تجدي بان كل حبة شبه منفردة وشكلها مستوي بتكون المي غليت ونضعها فوق الارز المقلي بالسمنة .. ولما تنشف المي عن الوجه بنوطي النار ونتركه على نار هادئة لحين ينضج.
طريقة تحضير اللبن
نضع اللبن على نار قوية مع التحريك المستمر لحين الغليان ويمكن ان تختبري اذا كان اللبن كثيف او خفيف نحن نحضره بشكل يمون مرق لكن مش خفيف ... عندما يغلي نضع عليه لحمة ونبقى نحركة كل شوي .. هذه العملية تحتاج الى ساعتين حتى تستوي اللحمة.(انتبهي اذا بدك تزيدي مي على اللبن اذا حسيتي انه كثيف دائما استخدمي المي المغلية على اللبن المغلي)
طريقة التقديم
نحضر سدر (صينية كبيرة ) خاص بالمنسف ونفرشه بالخبز العربي واتركيه يخرج عن الاطراف قليلا، نضع الارز بطريقة متساويه ثم نقوم بتصفية اللبن عن اللحم ونضعه في زبدية التقديم، ونقوم بوضع اللحمة وبشكل مرتب على الارزحتى يغطي الارز (ويكمن طبخ الرأس ووضعه بالوسط) وراس الخروف يطبخ لوحده وعندما يستوي نضعه في اللبن حتى ياخذ نكهة اللبن. وبعد ذلك نزينه بالصنوبر واللوز المقلي ويقدم ساخنا... وصحتين وعافية
عملت بهذا الحجم حتى يكفي اعضاء المنتدى
وصحتين وعافية ( زهرة الكاميليا )
السبت مايو 03, 2008 8:11 pm
-" longdesc="63" /> شكرا جزيلا لكم
